حبة تراب
الأرض يا أحبابي مش حبة تراب
ولا نبع مية توصله يطلع سراب
ولا جسم جدي إللي إندفن من ميت سنة
ولا ذكرى مرة ومحزنه ولا حلم طاير مننا
فوق السحاب
الأرض إحساس بالأمان
إحساس بأنك فْ الحياة إنسان
ولك في الكون مكان
يمكن يكون موضع قدم
يمكن يكون بيت إتهدم
يمكن يكون فــدان
بس المهم إللي يدور يلقى ليك عنوان
وعشان كده لو حتى هندوق العذاب الوان
الأرض تستاهل كتير
تستاهل المر إللي دقناه كلنا
تستاهل الكرابيج تقطـع دهـرنا
ـــــــــــــــــــــــــــــــــــــــــــــــــــــــــ
