الله الله الله ..عليك يا اسامة

هذه الكلمات كنت اغنيها اثناء قرائتها لان لها لحن جميل .

الأخت العزيزه / هبة خطاب

ماتتصوريش أنا نفسي أعرف قد إيه إنتي لحنتيها إزاي ؟ على العموم يا هبه هي متلحنة فعلاً قريب ولحنها حزيني جداً لدرجة إني بتعب لما أسمعها لحنها ملحن جميل إسمه أحمد صالح بس أكيد لحنك إنت هيكون أحسن .

أشكرك لمرورك الكريم وللحن الجميل .

أحب وادوب وأعيش العمر أتباها وأنا المغلوب

وعمري يا دوب يكون قصة ف موالك

وانا خالك وخيالك وكل الدنيا حُسْادي

//

الله

تسلك قريحتك الفياضة بالحب اللي مش عادي

أستاذنا الكريم / محمد حماد

مرورك دائما يسعدني وكلماتك دائماً وسام على صدري أفخر وأعتز به جزاك الله كل الخير

أستاذنا وشاعرنا أسامه

رائع ما كتبت وهذا ما عودتنا عليه

تحياتى اليك ولكليماتك المبدعه

وبالتوفيق دائما فى طريق المشاعر الصادقه

والأحاسيس الرقيقه

الاستاذ اسامة

وحُبك فيّ أُغنية ولا أقدر ف يوم أهرب

ولو كان أمري بإدية لا يوم أرحل ولا أتغرب

وقلبي لو يغيب عنك يعيش العمر بينادي

فعلا لو كان الامر بيدى لا يوم ارحل ولا يوم اغيب عنها

هى حبنا الاكبر

هى همنا الاكبر

اتمنى لك التوفيق

وعاشت مصر

مصر ى

الأخ الكريم عماد

دائما يسعدني مرورك العطر جزاك الله كل الخير وجمعك بأحبابك على الدوام

السلام عليكم أستاذ أسامة

عملت بنصيحتك نوعاً ما…فلقد شجعتني..

شكراً لك..

طمي النيل .. واهرامات الجيزة ..واحلام الحارات ..ومواويل الفلاحين .. وظلال الابنودي ..وسيد حجاب .. واسامة ينحت بحس مرهف تفاصيل حب غير عادي لارض غير عادية ..انجبت عصافير نيلية لن يسكتها الوقت عن التغريد ..

كل الود لقيثارة حبك

أخى الحبيب العزيز الكريم الشاعر المبدع / أسامه عبد الصبور

اليك ابيات من قصيدتى يا مصر قومى و انهضى

أشارك بها التفاعل مع أبياتك

………………………….

مخنوق يا مصر

يا أمى

مخنوق

و بيزيد همى

مخنوق

و جرحى ينادى

على حضنك

ضمينى مرة

و حسسينى بأمان

أنا العاشق تراب خدك

و مين قدك

يسقينا من نيلك حنان

يا بعيدة بعد المستحيل

و قريبة قرب الضنا م القلب

مستنى صوت الشعب

و أوانه

يزعق بطول التاريخ

و يطهرك من كلاب خانوا

و يحد حدك

فيتولد فجرك

و تعودى مصر

و تعيدى أمجاد اللى كانوا

مصر التاريخ و الحضارة

مصر العروبة المنارة

مصر المعاد و النضارة

مصر اللى تهدى الحيارى

مصر النبوءة البشارة

مصر اللى كل الدنيا تعرفها

مش مصر منهوبة مسلوبة ممسوخة

لا ليها طعم

و لا دور و لا معنى و لا حد يسمعها

………………………. عبد المجيد راشد

الله عليك يا شاعر

ياااااااااه خلتنى احب مصر اكتر

القصيدة دى رائعه لازم تتغنى

انا اموت واسمع لطيفه بتغنيها

رغم انها مش مصرية

بس بحس ان حبها لمصر اكتر من حبى ليها

بجد شهادتى فى شعرك مجروحة

الأخت الكريمه سالي جاد

أشكرك لمرورك الكريم وللدعوة الكريمة وإن شاء الله ألبيها في القريب العاجل

تحياتي

الشاعر الجميل / أسامة عبد الصبور

سعدت كثيرا بمدونتك

وستكون لنا لقاءات كثيرة عبر صفحاتها

دمت بكل خير

سيد الموجى

عمي وأستاذي الكريم الشاعر المبدع / سيد الموجي

والله المدونة نورت بمرورك العطر ربنا مايحرمناش من مرورك وكلماتك ولو تسمح لي يا أستاذنا أنشر نص لحضرتك عشان أصدقائي من زوار مدونتي يتعرفوا على حضرتك أبقى في منتهى السعادة جزاك الله كل الخير .

مرورك شرف أطمح إليه دائماً

مع كل الحب والتحية

مدونتك منوّرة بأعمالك الجميلة أيها الشاعر الجميل / أسامة عبد الصبور

وشرف لى عظيم أن تضع إحدى قصائدى بها

وأشكر لك هذا الكرم ونبل الأخلاق

مع خالص تحياتى

السلام عليكم بجد روعه يا ؤسؤس وانا ندمت اني ماقرأتش مدوناتك من زمان رومانسية جدا اقولك انا صوتي حلو وحد لحنها خلاص انا ممكن اغنيها وبعدين انا اكييييييييييد بحب مصر اكتر من لطيفه هههههههههههه بس جرب مش حتندم

منذ تركتني وأنا لا أنام

عذبت أيامي فما أتعسني بدونك….

مالي أحس الدنيا خاوية؟؟؟

وأحس قلبي يختنق..

أشاهدك في كل وجه…

وفي كل صورة…

وكل عين تشبهك..

منذ رحلت عني وأنا أبكي..

ولا أظن هناك مثلك…

ليتك تعرف كم أشتاق اليك…

وكم أتمنى رؤيتك…

لا تسالني عن سبب محبتي لك.

فهل هناك سبب لمجيئ النهار قبل الليل؟؟

منذ أن تركتني وأنا أمضي الليل حزينة…

منكسرة…

وأتمنى لو لم أكن أعرفك…

ليت عمري كان قصيرا…

ليتني أموت قبل أن أعيش حياتي أتعذب بك…

ليت ربي يغفر لي ذنوبي معك

وأنساك إلى الابد…

يا ربي أغفر لي فأنا إنسانة ضعيفة…

وأنت قوي وتلك حكمتك…

ربي ارحمني برحمتك وانسني هذا بكلمتك…

وسعة منك..

فلأعود طاهرة القلب…

بلا عذاب ..

ومشاعر دنيوية رخيصة منتهية….

رب سعتك..

وفضلك…

رحمتك..

رب استجب دعوتي….

رائع رائع ما اجمل لوحتك الشعرية انت اجمل الشعراء واروع الواصفين تحياتى اليك ودعائى لك بالاستمرار فنحن جمهور لا يشبع من تألقك الذى يضيئ سماء العامية